The bread bakery of Fathy, Cairo. Photo by Alexander Schippers
حمزة العقاد - ٢٢\١٠\٢٠٢٦ - لندنقديش روتين مفروض أفضل في حياتي؟
المفروض أتغدى سندوشة تونا كل يوم؟
لا، لأنه الزئبق في التونا رح يقتلني
التونا فيه زئبق لأنه بياكل سمك تاني
السمك فيه زئبق بسببنا
دايفد لينش كان ياكل تونا كل يوم، ليتجنب إرهاق أخذ القرار
توفى، من الدخان مش من التونا
ايش معنى التونا رخيص في العلبة وغالي في الساشيمي
حتى التونا ما بهرب من فخ السمعة
المارلين الأزرق بيقدر يبلع تونا كامل في لقمة وحدة
تخيل كمية الزئبق
كطفل كنت أخاف من ميزان الحرارة
براقب ذاك التيار الفضي المخيف وهو بيرتفع أقرب لتمي
بذكرني بعيادة المدرسة
المكان الي كنت أخشاه
طعمة خافض اللسان الخشبي واللعيان الي بيجي بعدها
شو لو استعملوا عصاية كانت في تم حدا تاني
هيك كنت أفكر
الخبز ما فيه زئبق فكان الخبز أمان
خبز عربي بنزل من حزام نقل
بنشرى بالوزن
بتكثف البخار جوا كيس البلاستيك، وأحلى شي تاكله وهو دافي بالسيارة
مع الدفا والوزن المريح تاع ٢ كيلو خبز فوق حضنك
البلاستيك هو زئبق اليوم
راشد حسين غفى وسيجارة بيده
ومات لوحده
سجايري بيجو ببلاستيك
وخبزي كمان
بس على أقل ما باكل تونا كل يوم.
